頤康之友社

特別消息：

本會會員、頤康之友社幹事陳玉華女士，參加工聯會婦女事務委員會首次舉辦的「群芳展藝顯豐姿」粵港澳女職工書畫攝影展比賽，榮獲「書法」銅獎和「中國畫」優異獎兩個獎項。



老友記講心聲

頤康社主席：麗群姐(王麗群)
過往各廠、區嘅工作人員經常見面，一齊參與工會嘅服務同活動，呢批老友記，由於社會、家庭等變化，大家都聚會很少。自從頤康社成立咗之後，維繫咗一批很久沒有參加工會活動的老友記，大家經常聚會同參加活動，感到好開心！
工會好多嘅活動都係假日進行又係家庭日，所以唔少老友記都較難參加，但頤康嘅活動係平時日子進行，所以唔少社員同老友記都參加！
雖然，頤康社成立之初，選出我作為主席，會感到吃力，但係現時社務己上軌道，加上有其他社員同義工分擔工作，所以都覺得幾充實和輕鬆！
   

頤康社秘書：嫦姐(劉月嫦)
工會嘅活動面向全體會員，資深嘅會員比較少參與，會對工會有距離感。頤康社成立咗之後，針對社員嘅年齡同特點，提供咗切合嘅服務同適合嘅活動，密切咗社員同工會嘅關係同感情，凝聚同接觸面都擴大咗。而參與頤康嘅義工服務，又夠充實同增加見識，做到老有所為！
   

頤康社司庫：道叔(蘇道洪)
頤康社嘅組成，是起著工會組織延續嘅作用，是凝聚長期支持工會發展的工作人員，特別是六、七十年代各廠、區的資深工作人員。頤康社立咗之後，活躍咗社員的身心健康，加強咗大家嘅聯繫，增加友誼，了解彼此間嘅生活狀況，達至互相關心嘅作用。
  頤康之友社特刊